Naodet we drie waeke geleeje met het idee kwoome om de kantien bie uch thoes te bringe, zeen aafgelaupe vriedig de pakketten bezorgdj gewaore. Zowel Prins Tim I met vorst Bart Slabbers van C.V. de Kwekkerte, als oug leden Koen Ruefli en Job van Cruchten hubbe de drank bie de aafnummers thoes aafgeleverdj.
Het ging snel, de telefoon biej Lars Aobe haet gloeiend gestaon en maar leefs 52 pakketten zeen er aafgenomme gewaore. De kantien is noe éch laeg. Gin supporters of spelers in de kantien, maar oug ginne drank meer.
Es club zeende is dit eine fijne financiele opstaeker in eine lestige tied. Daorom zeen we herstikke blie met uch ongersteuning. Weem wit bringt ’t os nog op meer ideeje veur de toekomst, haoj dao veur ozze site, Facebook en Instagram in de gaten.
Laote we haope dat we snel weer ’t veld op mooge en uch te kinne verwelkome op os sportpark.
Toet snel!!
